काठमाडाैँ । उप्रधानमन्त्री तथा गृहमन्त्री नारायणकाजी श्रेष्ठलाई भेट्न अमेरिकी राष्ट्रपतिका विशेष सहायक लाउबाचर अस्पतालमै पुगेकी छिन् ।

अमेरिकी राष्ट्रपति जो बाइडेनका विशेष सहायक तथा दक्षिण एसियाका लागि राष्ट्रिय सुरक्षा परिषद्की वरिष्ठ निर्देशक रियर एडमिरल इलिन लाउबाचर उप्रधानमन्त्री श्रेष्ठलाई भेट्न बाँसबारी स्थित सहिद गंगालाल राष्ट्रीय हृदय केन्द्र पुगेकी हुन् ।

बुधबार मात्रै नेपाल भ्रमणमा आईपुगेकी उनी विहिबार बिहान प्रधानमन्त्रीसँग भेट् गरेर नक्साल स्थित मेरियट होटल पुगे लगत्तै त्याँहाबाट गृहमन्त्री श्रेष्ठ उपचाररत अस्पतालमा पुगेर भेट गरेकी छन् । गृहमन्त्री श्रेष्ठ मगलबार राती देखि गङगालाल अस्पतालमा उपचाररत छन ।

काठमाडौं पुग्ने बित्तिकै उनले बुधबारै परराष्ट्रमन्त्री एनपी साउद, प्रधानसेनापति प्रभुराम शर्मा र राष्ट्रिय सुरक्षा सल्लाहकार शंकरदास बैरागीसँग भेटवार्ता गरेकी थिईन् ।