काठमाडौं । एनसेलको सेयर खरिदबिक्री प्रकरण सम्बन्धमा अध्ययन तथा छानबिन गर्न गठित समितिले काम थालेको छ ।

समितिले शनिबार एक विज्ञेप्ती जारी गर्दै समितिले उक्त जानकारी दिएको हो ।

समितिले मंसिर २१ गतेको मन्त्रीपरिषदको निर्णय अनुसार सेयर खरिदबिक्रीको निर्णय सम्बन्धमा प्रचलित कानुनको परिचालनाको विषय, राजस्व र नेपालमा वैदेशिक लगानीमा पर्न सक्ने असरलगायतका विषयमा अध्ययन तथा छानबिन गरि तोकिएको समयसीमाभित्र सुझावसहितकाे प्रतिवेदन सरकारलाई बुझाउने बताएको छ ।

अध्ययन तथा छानबिनको क्रममा सम्बन्धित विषय क्षेत्रका नियामक निकायहरू, सरकारी अधिकारीहरू, सम्बन्धित सेवा प्रदायक कम्पनीसँग छलफल गर्ने, कागजात तथा जानकारी प्राप्त गर्ने तथा सम्बन्धित विषयका विज्ञ, विभिन्न सरोकारवाला संघ, संस्था र व्यक्तिहरूसँग समेत आवश्यकता अनुसार छलफल गरी राय सुझाव लिने समितिकाे विज्ञेप्तीमा उल्लेख छ ।