काठमाडौं । यू-१९ एसिया कप अन्तर्गत आफ्नो तेस्रो खेलमा नेपालले भारतविरुद्ध ब्याटिङ गरिरहेको छ।

दुबईस्थित आइसिसी एकेडेमी ओभल-२ मा जारी खेलमा भारतले टस जितेर फिल्डिङ रोजेपछि नेपालले ब्याटिङको निम्तो पाएको हो ।

जारी खेलमा नेपालले दशाैं ओभरमा ६ विकेट गुमाएको छ।

नेपालले पाँचौ ओभरको दोस्रो बलमा नेपालका ओपनर दीपक बोहरालाई गुमाएको थियो । उनलाई भारतका राज लिम्बानीले १ रनमै आउट गरे।

यस्तै सातौं ओभरमा दोस्रो विकेटका रुपमा उत्तम थापा मगर शून्यमा राजबाटै बोल्ड भए।

तेस्रो विकेटको रुपमा ब्याटर अर्जुन कुमाल आराध्य शुक्लाको बलमा ७ रन बनाएर आउट भए। उनी २२ बलमा ७ रन बनाउँदै आउट भए ।

कप्तान देव खनाल नवौ ओभरकाे पाँचाैँ बलमा २ रन र दीपक डुम्रे छैटौं बलमा शून्यमा आउट भए। दुवैलाई राज लिम्बानीले पेभिलियन फर्काए ।

दशौं ओभरको पाँचौ बलमा गुल्सन झा ४ रनमा आराध्य शूक्लाको एलबिडब्लूको धरापमा परे। उनी आउट हुँदा नेपालले १० ओभरमा ६ विकेट गुमाउँदा २१ रन मात्र जोडेकाे छ ।

समूह ‘ए’ मा रहेको भारत र नेपाल दुबैले आज समूह चरणको अन्तिम खेल खेल्दै छन्।

यसअघि समूह चरणको दुई खेलमा भारतले एक जित र एक हार व्यहोरेको थियो ।

नेपाल यसअघि भएको पहिलो खेलमा पाकिस्तानसँग ७ विकेटले पराजित भएको थियो भने दोस्रो खेलमा अफगानिस्तानसँग ७३ रनले पराजित भएको थियो ।