काठमाडौं । कोशी प्रदेशको पहाडी जिल्लामा यातायात अवरुद्ध गर्दै हिँडेका ६ जना पहिचान पक्षधरलाई प्रहरीले पक्राउ गरेको छ।

शनिबार बिहान धरानबाट ५ जना र झापाको केरखाबाट एक जनालाई प्रहरीले पक्राउ गरेको हो।

पूर्वपश्चिम राजमार्गको ठाउँठाउँमा बन्द गराउँदै सडकमा निस्किएको समूहलाई प्रहरीले हटाएर यातायात सुरु गरेको छ ।

नेकपा एमालेको मध्यपहाडी लोकमार्ग केन्द्री शंकल्प २६ मंसिरमा प्रवेश गरेको थियो । एमालेको उक्त यात्रा बिथोल्न खोजेको आरोपमा पक्राउ परेका पूर्वमन्त्री गोपाल किरातीसहित ३१ जनालाईलाई रिहा गर्न माग गर्दै कोशीका आन्दोलनकारीले आज बन्दको घोषणा गरेका थिए।

तर बन्दको प्रभाव आंशिक मात्रै रहेको प्रहरीले जनाएको छ।