काठमाडौं। त्रिभुवन अन्तर्राष्ट्रिय विमानस्थलबाट ५५ किलो गाँजा बरामद भएको छ ।

शुक्रबार राति अमेरिकाबाट नेपाल ल्याइएको ५५ किलो गाँजा गाँजा भन्सार जाँच हुनुअघि नै बरामद गरिएको त्रिभुवन विमानस्थल भन्सार कार्यालयले जनाएको हो ।

उक्त गाँजा १०८ वटा कार्टुनमा प्याक गरेर ल्याइएको थियो ।

भन्सार कार्यालयका अनुसार ठूलो परिमाणमा गाँजा नेपाल ल्याइन लागेको सूचनाका आधारमा विमानस्थलमा कडाइ गरिएको थियो । यसै क्रममा फर्मको नाममा ल्याइएको कार्टुनहरुमाथि शंका लागेर चेक गर्दा उक्त गाँजा भेटिएको थियो ।

उक्त गाँजाबारे थप अनुसन्धान गर्न त्रिभुवन विमानस्थल भन्सार कार्यालयले नेपाल प्रहरीको लागूऔषध नियन्त्रण ब्यूरोलाई बुझाएको छ ।