काठमाडौं। नेकपा माओवादी केन्द्रले पार्टीको पदाधिकारी बैठक बोलाएको छ ।

प्रवक्ता समेत रहेका पार्टी उपाध्यक्ष अग्नि प्रसाद सापकोटाले मंगलबार दिउँसो ३ बजे बस्ने गरी बैठक बोलाइएको जानकारी दिए ।

बैठकमा रुपान्तरण अभियान, विधान सम्मेलन, राष्ट्रियसभा निर्वाचन लगायत विषयमा छलफल गरिने बताइएकाे छ । साथै पार्टीले सञ्चालन गरेको तीन महिने विशेष रुपान्तरण अभियानका बारेमा पनि बैठकमा समीक्षा हुने बताइएको छ।

भदौ १६ बाट सुरु भएको अभियान पुस १६ मा सकिँदैछ ।