काठमाडौं । आगलागीमा परी पाल्पामा एक जना ९ महिने शिशुको मृत्यु भएको छ।

पाल्पा, निस्दी गाउँपालिका–३, झिरुबासकी ९ महिनाकी शिशुको मृत्यु भएको जिल्ला प्रहरी कार्यालय पाल्पाले जनाएको छ।

प्रहरीका अनुसार स्थानीय टोलबहादुर पल्लीकी छोरी दिप्सना पल्लीको आगलागीबाट मृत्यु भएको हो।

खरले छाएको घरमा शनिबार दिउँसो आगलागी हुँदा आगलागीबाट पल्लीको घर जलेर नष्ट भएको छ। मृतक शिशुसहित घरमा दुई छोराहरू रहेका थिए। आगलागीबाट घरमा भएका अन्न, लत्ताकपडा, भाँडाकुँडा पूरै नष्ट भएको छ।

प्रहरी र स्थानीयको सहयोगमा आगो नियन्त्रण लिएको थियो।