काठमाडौं । कास्कीको पोखरा–मर्दी ट्रेकबाट एक जना विदेशी पदयात्री सम्पर्कविहीन भएका छन् ।

शनिबार बिहान करिब ४ बजे मर्दी हाई क्याम्पबाट बेस क्याम्प हिँडेका मिचेल नाम गरेका स्वीडेनी युवक २४ घन्टादेखि सम्पर्कविहीन भएका छन् ।

माछापुच्छ्रे गाउँपालिका-८ का वडाध्यक्ष राम गुरुङका अनुसार गाउँपालिकाले उठाउने पर्यटन शुल्क फर्ममा फर्म भरेर हिँडेका उनी साँझसम्म नफर्किएपछि खोजी तीव्र पारिएको जानकारी दिए ।

करिब २२ /२३ वर्षीय ती युवकले गाउँपालिकाको पर्यटक फर्म पनि पूरा नभरेको पाइएको वडाध्यक्ष गुरुङले बताए ।

आइतबार बिहानसम्म सम्पर्कमा नआएपछि उनको खोजीमा वडा प्रहरी कार्यालय बगरको नेतृत्वमा प्रहरी बिहानै मर्दी बेसक्याम्प हिँडेको छ ।