काठमाडौं । ‘धोती दिवस’ मनाउन भन्दै माइतीघर क्षेत्रमा भेला भएको बेला पक्राउ परेका संघीय मामिला तथा सामान्य प्रशासन मन्त्री अनिता देवी, जनमत पार्टीका अध्यक्ष सीके राउत लगायतलाई प्रहरीले छाडेको छ ।

गृहमन्त्री नारायणकाजी श्रेष्ठ आफैं नेपाल प्रहरी क्लब भृकुटीमण्डप पुगेर उनीहरुलाई छुटाएका हुन् ।

ब्यानरसहित धोती दिवस मनाउन निषेधित क्षेत्र माइतीघर पुगेका राउतसहित ५१ जनालाई प्रहरीले पक्राउ गरेको थियो। पक्राउ गरेर उनीहरुलाई पुलिस क्लब भृकुटीमण्डपमा राखिएको थियो।

अहिले भने उनीहरु सबैलाई छाडिएको प्रहरीले जनाएको छ।