काठमाडौं । काठमाडौंको विभिन्न ठाउँमा आज चार घण्टा बिजुली आपूर्ति बन्द हुने भएको छ ।

चाबहिलदेखि बौद्धसहितका केही क्षेत्रमा चार घण्टा बिजुली काटिने विद्युत् प्राधिकरणले जनाएको छ ।

प्राधिकरणका अनुसार विद्युत लाइन मर्मतको काम भइरहेकोले फिडर सटडाउन गरिने हुँदा त्यसअन्तर्गत पर्ने चाबाहिल प्लाजा, केएल टावर, टुसाल, बौद्ध पिपल बोटदेखि जोरपाटीसम्म बिजुली काटिने भएकाे हाे ।

उक्त क्षेत्रमा बिहान १० बजेदेखि दिउँसो साढे २ बजेसम्म विद्युत आपूर्ति बन्द हुने प्राधिकरणले जनाएकाे छ ।