काठमाडौं । प्रधानमन्त्री कप क्रिकेटमा नेपाल पुलिस क्लबले लगातार दोस्रो जित निकालेको छ।

मंगलबार त्रिवि क्रिकेट मैदानमा भएको खेलमा कोशी प्रदेशलाई ७ विकेटको फराकिलो अन्तरले हराएर पुलिसले दोस्रो जित हात पारेको हो ।

कोशीबाट पाएको १६७ रनको लक्ष्य पुलिसले २३.१ ओभरमा ३ विकेट गुमाएर भेट्टायो ।

पुलिसका लागि अर्जुन साउदले सर्वाधिक ६२ रन बनाए । दीपेन्द्र सिंह ऐरीले २८ रन जोडे।

पहिला ब्याटिङ गरेको कोशीले सुजन थपलियाको शतकको सहयोगमा १६९ रन बनाएको थियो । थपलियाले १०५ रन बनाएका थिए ।

७ रन हुँदा २ विकेट गुमाएको स्थितिमा चौथो नम्बरमा ब्याटिङमा आएका उनले एक छेउबाट कोशीको इनिङ सम्हाल्दै १०५ रन बनाएका थिए ।