काठमाडौं । आइसीसी यु-१९ विश्वकप अन्तर्गत न्युजिल्यान्डविरुद्धको खेलमा नेपालले २ विकेट गुमाएको छ।

न्युजिल्यान्डले दिएको ३०३ रनको विशाल विजयी लक्ष्य पछ्याउनेक्रममा नेपालले दोस्रो विकेट गुमाएको हो ।

नेपालले दोस्रो विकेटका रुपमा आकाश त्रिपाठीलाई २ रनमा गुमाएको हो । तीव्र गतिका बलर म्याट रवेको छैटौं ओभरको चौथो बलमा आकाश ठूलो सट खेल्ने धुनमा लचलान स्कटपुलबाट उत्कृष्ट क्याच आउट भए ।

टप एज लागेर उनी थर्डम्यानमा क्याच हुन पुगेका थिए । उनले १४ बल खेले ।

नेपालले पहिलो विकेटका रुपमा तेस्रो बलमै ओपनर दीपक बोहरालाई गुमाएको थियो ।