काठमाडौं । पाल्पामा मोटरसाइकल दुर्घटनामा परी एक जनाको मृत्यु भएको छ ।

जिल्लाको रम्भा गाउँपालिका–१ भुमरमा मोटरसाइकल दुर्घटना हुँदा सोही ठाँउका २८ वर्षीय हेमन्त जी.टी. को मृत्यु भएको जिल्ला प्रहरी कार्यालय पाल्पाका प्रवक्ता श्रीराम भट्टले जानकारी दिए ।

भट्टका अनुसार पिपलडाँडाबाट हुँगीतर्फ जाँदै गरेको ग १४ प ३७५ नम्बरको मोटरसाइकल आइतबार राति करिब १० बजे कालीगण्डकी करिडोरमा दुर्घटना भएको थियो ।

मोटरसाइकल कालीगण्डकी नदी किनारमा खसेको छ ।