आज मिति २०८० साल फागुन ११ गतेतदअनुसार फ्रेब्रुअरी २३, सन् २०२४ बुधवार। माघ शुक्ल चतुर्दशी । पञ्चाङ्ग: शोभन वणिज अश्लेषा ।

यस्ताे छ राशिफल

मेष : हेलचेक्र्याइँले काममा उल्टो परिणाम दिन सक्छ। कलहको योग भएकाले कसैसँग बोल्दा वा ठट्टा गर्दा सतर्कता अपनाउनुहोला। नियमित खर्चसमेत बढ्ने योग छ। प्रतिस्पर्धीले खुट्टा तान्ने प्रयास गर्न सक्छन्।

बृष :लाभदायक यात्रा हुनेछ। आतिथ्यपूर्ण सम्मान पाइएला। कार्य सम्पादनमा सहजता मिल्नेछ। तर, आहारविहारमा भने ख्याल गर्नुहोला।

मिथुन : शुभकार्यको चर्चा चल्नेछ। धर्मकर्म तथा समाजसेवामा मन लाग्नेछ। मनमा हर्ष, उमङ्ग र उत्साह छाउनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। रमणीय, सुखद र धार्मिक यात्राको योग छ।

कर्कट : लगानीमा रहेको रकम फिर्ता आउन सक्छ। राजनीतिक कार्यमा सफलता मिल्नेछ। बन्धु बान्धवबाट विशेष सहयोग मिल्नेछ। रोजगारीको अवसर मिल्नेछ।

सिंह :शरीरमा स्फूर्ति र उमङ्गको कमी हुनेछ। स्वास्थ्यप्रति सजगता अपनाउन जरूरी देखिन्छ। यात्रामा मालसामान हराउन सक्छ। साँझमा पैसा खर्च हुने योग छ।

कन्या : अधुरा र रोकिएका काम दोहोर्‍याएर गर्दा फाइदा हुनेछ। जटिल ठानिएको कामसमेत सम्पादन हुन सक्छ। कुनै महत्त्वपूर्ण कामको जिम्मेवारी आइलाग्न सक्छ। रमणीय र सुखद यात्राको योग छ। प्रणय प्रसङ्गका लागि पनि समय श्रेष्ठ छ।

तुला : महत्त्वपूर्ण कामको थालनी हुनेछ। घर परिवारका सदस्यहरूबाट सहयोग पाइनेछ। वैदेशिक कार्यमा सफलता मिल्नेछ। कसैकसैका लागि सन्तान प्राप्ति र प्रसन्नता छाउनेछ।

बृश्चिक :  धैर्य एवं लगनशीलताले अवसर दिलाउनेछ। जीवनसाथीको सल्लाहमा गरिएको कार्यबाट अधिक सफलता मिल्नेछ। परीक्षा आदि प्रतिस्पर्धामा उत्तीर्ण हुन सकिनेछ। 

धनु :स्वास्थ्य मापदण्ड पूरा गर्नु पर्छ। महत्त्वपूर्ण कार्यमा व्यवधान आइपर्ला। नजिकका व्यक्तिसँग वादविवादमा परिनेछ। आफूलाई कमजोर भएको अनुभूति हुनेछ। आर्थिक कारोबारमा विवाद आउला। 

मकर : जोस-जाँगर बढ्नुका साथै समयले राम्रो साथ दिनेछ। दूरदराजमा बसोबास गर्ने व्यक्तिसँग सम्बन्ध सुमधुर रहनेछ। कला, साहित्य तथा सङ्गीतमा रुचि बढ्नेछ।

कुम्भ :  विद्या र बुद्धिको विकास हुनेछ। माया प्रेममा आत्मीयताको बढोत्तरी हुनेछ। राजनीतिक र न्यायिक कार्यबाट सफलता मिल्ने र रुचि बढ्नेछ। घरमा अतिथिको आगमन हुनेछ।

मीन :मनमा उत्साहका साथै बोली बिक्ने समय छ। रमाइलो यात्राको योग रहेको छ। रोकिएका काम पुनः सुरु हुन सक्छन्।