आज मिति २०८० साल फागुन १६ गतेतदअनुसार फ्रेब्रुअरी २८, सन् २०२४ बुधबार। फागुन कृष्ण चतुर्थी । पञ्चाङ्ग: गण्ड बव हस्ता ।

यस्ताे छ राशिफल

मेष : प्रतिष्ठित काम गर्ने मौका छ। आफन्त र साथीभाइबाट सहयोग तथा हौसला प्राप्त हुनेछ। आफन्तले सहयोग गर्नेछन्। प्रतिस्पर्धात्मक कार्यमा आफ्नो जित हुनेछ। 

बृष :  व्यवसायको सन्दर्भमा आदर्श व्यक्तित्वसँगको सहकार्यले नयाँ अनुभव मिल्नेछ। आफन्तको सहयोग प्राप्त हुनेछ। मानसिक चिन्ता बढे पनि कार्यक्षेत्रमा प्रगति हुनेछ।

मिथुन : मनमा चञ्चलता बढ्नेछ। मनमा निराशा र शरीरमा आलस्य आउला। अधिकार प्राप्तिका लागि संघर्ष गर्नु पर्नेछ। फलदायी यात्रा नहोला। साँझमा शुभ समाचार सुन्न पाइनेछ।

कर्कट : सफल यात्रा र उपहार पाइने सम्भावना छ। मनमा ठूलो उत्साह र उमङ्गको सिर्जना हुनेछ। कुनै कुराले मनमा शान्ति छाउनेछ। व्यावसायिक काममा राम्रै फड्को मार्न सकिनेछ। सञ्चारमाध्यमबाट शुभ समाचार प्राप्त हुनेछ। 

सिंह :  चिताएको कामले तीव्रता लिनेछ। परीक्षा आदि प्रतिस्पर्धामा उत्तीर्ण  हुन सकिनेछ। रोकिएको काम दोहोर्‍याएर प्रयत्न गर्दा सफलता मिल्नेछ। प्रणय प्रसङ्गका लागि समय श्रेष्ठ छ।

कन्या :  धार्मिक, सामाजिक र अरूको हित हुने काममा समय व्यतीत हुन सक्छ। प्रेम र मित्रताको बन्धन कसिने बेला छ। विद्वान्‌हरूको साथमा घुलमिल हुने मौका मिल्नेछ।

तुला : महत्त्वपूर्ण अवसर गुम्न सक्छ। अभिभावक वर्गको स्वास्थ्यस्थिति चिन्ताको विषय बन्नेछ। पारिवारिक र नातागोताभित्रका सदस्यसँग राम्रो व्यवहार पुर्‍याउन नसक्नाले मनमुटावको स्थिति आउन सक्छ।

बृश्चिक : विदेशबाट राम्रो समाचार प्राप्त हुनेछ। आँटेको र ताकेको कार्य पूरा होला। रोजगारीको अवसर मिल्नेछ। अतिथिको रूपमा सत्कार पाइएला। प्रणय सम्बन्ध बढ्ने समय छ।

धनु :  दाजुभाइ र दिदीबहिनीहरूबाट सहायता मिल्नेछ। नयाँ व्यक्तिहरूसित सम्पर्क हुनाले भाग्य बढ्ने छ। तर, बाहिरी खानपान तथा मनोरञ्जनमा समयको ख्याल गर्नुपर्नेछ।

मकर :  सुन्दर पहिरनले व्यक्तित्वमा निखारता ल्याउनेछ। कुनै कुराले मनमा शान्ति छाउनेछ। धार्मिक यात्राले अनुहारमा चमकता आउनेछ। प्रेम जीवन सबल र सफल हुनुका साथै दाम्पत्य जीवन सुखमय रहनेछ।

कुम्भ :  अनावश्यक ठाउँमा धन खर्च होला। सवारी साधन प्रयोग गर्दा विशेष सावधानी अपनाउनु होला। सद्‌विचारले अभिप्रेरित हुनेहरूलाई साँझमा लाभ मिल्नेछ।

मीन : धार्मिक र सांस्कृतिक सभासमारोहमा सरिक हुने समय छ। अचल सम्पत्ति हात पर्न सक्छ। नोकरी र व्यावसायिक जीवनमा सुधार आउनेछ। सामाजिक कार्यमा रुचि जाग्नुका साथै यात्राको योग देखिन्छ।