झापा गोल्डकपमा एपीएफको विजयी सुरुआत

विराटनगर । सशस्त्र प्रहरी बलको एपीएफ क्लबले छैटौँ संस्करणको झापा गोल्डकप फुटबल प्रतियोगितामा विजयी सुरुआत गरेको छ ।
शनिबार प्रतियोगिताको उद्घाटन खेलमा एपीएफले संकटा फुटबल क्लबलाई ‘टाइब्रेकर’मा ४–२ ले पराजित गर्यो । जितसँगै एफीएफले क्वार्टरफाइनलको यात्रा तय गर्यो ।
एपीएफका दिपेश धिमाल, फोडे फोफोना, कुलदीप कार्की र सुमन श्रेष्ठले गोल गरे । संकटाका चन्दन दास र यमनबहादुर पुत्वारको प्रहारले मात्र जाली चुमेको थियो । संकटाका अजित लामाको प्रहार विपक्षी गोलरक्षकले बचाएका थिए । मौसम सुब्बाको प्रहार गोलपोस्टमा लागेर फर्कियो ।
निर्धारित र अतिरिक्त समयमा गोलरहित बराबरी भएपछि पेनाल्टी सुटआउटबाट नतिजाको टुंगो लगाइएको हो ।
खेलको ‘प्लेयर अफ दी म्याच’ एपीएफका गोलरक्षक एञ्जल श्रेष्ठ घोषित भए । उनले ११ हजार रुपैयाँ पुरस्कार पाए ।
प्रतियोगितामा नेपालका ‘ए’ डिभिजन क्लबसहित १० टिमको सहभागिता छ । विजेताले १३ लाख र उपविजेताले सात लाख रुपैयाँ पुरस्कार पाउनेछन् । प्रतियोगिताको फाइनल खेल यही फागुन २८ गते हुने आयोजकले जनाएको छ ।
















सरकार गठनको दुई सातामै दुई विषयमा रवि लामिछाने र बालेन साहबीच टकराव
पाकिस्तानी प्रधानमन्त्री शरीफद्वारा लेबनानी प्रधानमन्त्रीसँग वार्ता, इजरायली आक्रमणको निन्दा
एक दिवसीय क्रिकेटको खेलतालिका सार्वजनिक
चितवनमा बसको ठक्करबाट युवतीको मृत्यु
विद्यार्थी भर्ना वैशाख १५ गतेबाट सुरु हुने
संयुक्त राष्ट्रसंघमा भिटोमार्फत इरानको पक्षमा उभिए रूस र चीन
अमेरिका र इरानबिच दुई हप्ताको युद्धविराम सम्झौता
यी हुन् ‘२०८२’मा सबैभन्दा बढी कमाउने १० नेपाली फिल्म
डेपुटी गभर्नर पण्डितले लिए शपथ
ट्रम्पले चेतावनी दिँदै भने -मंगलबार राति “इरानी सभ्यता समाप्त हुन सक्छ”
प्रतिक्रिया