आजमिति २०८० साल फागुन २९ गते तदअनुसार मार्च १२, सन् २०२४ मंगलवार, शुक्लपक्षको द्वितीया विहान ७:२६ बजेसम्म तत्पश्चात तृतीया तिथि, रेवति नक्षत्र, शुक्ल योग ,मिन राशिमा चन्द्रमा, यो योगमा गरेको सम्पुर्ण कार्य शुभ हुनेछ। 

मेष : मनमा दोधारको अवस्था सिर्जना हुन सक्छ। भाग्यशक्ति कमजोर भएको अनुभूति हुनेछ। आर्थिक सङ्कटले गर्दा मनमा अशान्ति र छटपटी व्याप्त हुनेछ। व्यवसायमा नोक्सानी बेहोर्नु पर्नेछ।

. शुभ रंग: कालो

• शुभ अंक – ७

वृष : आँटे-ताकेको कार्य पूरा होला। रमाइलो यात्रा हुने तथा मानसम्मान मिल्नेछ। शुभ समाचार सुन्न पाइने र शुभकार्यको चर्चा चल्नेछ। धार्मिक कार्यमा मन लगाउँदा राम्रो हुनेछ तर स्वास्थ्यप्रति भने सतर्कता अपनाउनु पर्छ।

• शुभ रंग: रातो
• शुभ अंक : ७

मिथुन : शुभकार्यको चर्चा चल्नेछ। प्रेम र मित्रताको बन्धन कसिने बेला छ। नयाँ कार्यको योजना बन्नेछ। सेयरको कारोबारमा फाइदा हुन सक्छ। साँझमा अनावश्यक ठाउँमा धन खर्च होला। खानपान र स्वास्थ्यप्रति सजग रहनु होला।

• शुभ अंक – ९
• शुभ रंग : हरियो

कर्कट : जोस, जाँगर र हिम्मत बढ्नेछ। प्रेम सम्बन्ध र प्रणय प्रसङ्गका लागि समय श्रेष्ठ छ। स्वादिष्ट भोजन पाइनेछ तर स्वास्थ्यप्रति खर्च बढ्न सक्छ। विगतका गलत निर्णयले काममा चुनौती र झमेला आउने देखिन्छ।

. शुभ रंग: बैजनी

• शुभ अंक – ८

सिंह : गरेका काममा ढिलासुस्ती हुनेछ। पुरानो रोगले दुस्ख दिन सक्छ। झिनामसिना काममा धेरै समय खर्चनु पर्नेछ। मन्दिरको दर्शनले मन शान्त रहला। केही अप्ठ्यारा परिस्थितिको सामना गर्नुपर्ला।

• शुभ रंग: रातो
• शुभ अंक – ३

कन्या : कुनै न कुनै कुराले मनमा शान्ति छाउनेछ। मानसम्मान र पद प्रतिष्ठामा वृद्धि होला। नयाँ र शुभ कार्यको चर्चा चल्नेछ। नजिकको व्यक्तिको सहयोगबाट कार्य पूरा हुनेछ। महिला वा मित्रबाट विशेष सहयोग मिल्नेछ।

• शुभ रंग: हरियो
• शुभ अंक – २

तुला : चिताएको कामले तीव्रता लिनेछ। राजनीतिक कार्यमा सफलता मिल्ला। खेल र मनोरञ्जनमा सहभागी भइएला। मनमा उत्साहका साथै बोली बिक्ने समय छ। नियमित खर्च बढ्ने योग छ सचेत रहनु होला।

• शुभ रंग: सेतो
• शुभ अंक – ७

वृश्चिक : एकपछि अर्को अवसर आउनाले मन प्रसन्न रहनेछ। धार्मिक, सामाजिक र अरूको हित हुने काममा समय व्यतीत हुन सक्छ। मनमा उत्साहका साथै बोली बिक्ने समय छ। मित्र र विशिष्ट व्यक्तिको सहयोग पाइनेछ।

• शुभ रंग: पहेलो
• शुभ अंक – ८

धनु : मनमा दुबिधा उत्पन्न हुने र मानसिक चिन्ता बढ्नेछ। नाक तथा घाँटीमा समस्या आउन सक्छ। शरीरमा स्फूर्ति र उमङ्गको कमी हुनेछ। व्यक्तिगत स्वास्थ्य र यात्राप्रति सतर्क रहनु पर्नेछ। आफन्तको भने साथ र सहयोग मिल्नेछ।

• शुभ रंग: चादी
• शुभ अंक – ९

मकर : पर्यटनको क्षेत्रबाट लाभ लिन सकिनेछ। शुभकार्यको चर्चा चल्नेछ। कलासाहित्य तथा सङ्गीतमा रुचि बढ्नेछ। परोपकारजन्य कार्यमा लगाव बढ्ने र लोकप्रियताको अवसर प्राप्त हुनेछ। 

• शुभ रंग: वैजनी

शुभ अंक – ४

कुम्भ : भाग्यले विभिन्न अवसर जुराउनेछ। मित्रसँग भेटघाट हुनेछ र रमाइलो यात्रा गर्ने अवसर प्राप्त हुनेछ। धनार्जनका नयाँ स्रोतमा विचार बढ्नेछ। परीक्षा र प्रतिस्पर्धामा सफलता मिल्नेछ।

शुभ रंग: रातो

• शुभ अंक – १

मीन : चिताएको कामले तीव्रता लिनेछ। प्रेम सम्बन्धको कोपिला फक्रनेछ। आँटेको र ताकेको कार्यमा ढिलाइ भए पनि पूरा नै होला। धनार्जनका नयाँ स्रोत पत्ता लाग्नेछन्। रोकिएको वैदेशिक क्षेत्रको काम अघि बढ्नेछ।

. शुभ रंग: निलो

• शुभ अंक – २