काठमाडौं। नेकपा (एकीकृत समाजवादी)को स्थायी कमिटी बैठक पार्टीको केन्द्रीय कार्यालय आलोकनगरमा जारी छ ।

शनिबारदेखि सुरु भएको स्थायी कमिटी बैठकमा नेताहरूले बोल्नेक्रम बाँकी रहेकाले आज पुनः बैठक बसिएकाे हाे ।

हिजोको बैठकमा पार्टी अध्यक्ष माधवकुमार नेपालले समसामयिक राजनीतिक अवस्था, राष्ट्रिय तथा अन्तर्राष्ट्रिय परिस्थितिलगायत विषयमाथि आफ्नो धारणा राखेका थिए भने महासचिव घनश्याम भुसालले आसन्न महाधिवेशनका तयारीसहितका एजेण्डाबारे जानकारी गराएका थिए ।

स्थायी कमिटी बैठक सकिएलगत्तै पोलिटब्युरो बैठक समेत बोलाइएको छ । सो बैठकले केन्द्रीय कमिटीको बैठकमा छलफल गरिने कार्यसूची अनुमोदन गर्ने जनाइएको छ ।