आजको समयमा तौल घटाउनु निकै चुनौतीपूर्ण काम हो । धेरैजसो स्वास्थ्य विज्ञहरूले तौल घटाउन कम क्यालोरी भएको खानेकुरा खान सल्लाह दिन्छन्। यसले शरीरमा कुनै पनि पोषक तत्वको कमी हुन नदिई तौल घटाउन सकिन्छ ।

यी हुन् कम क्यालोरी भएका खानेकुरा :

काँक्रो
तौल घटाउनका लागि कम क्यालोरीयुक्त खानेकुराको सूचीमा काँक्रो शीर्षमा आउँछ। यसको सेवनले तौल धेरै हदसम्म कम गर्न सकिन्छ । यसमा प्रशस्त मात्रामा पानी हुन्छ जसले शरीरलाई हाइड्रेटेड राख्छ । यसको सेवनले छालालाई पनि फाइदा गर्छ ।

स्याउ
कम क्यालोरीयुक्त खानेकुरा भएकाले तौल घटाउन स्याउ पनि उत्कृष्ट विकल्प भएको स्वास्थ्य विज्ञहरू बताउँछन् । धेरै रिपोर्टका अनुसार एक कप अर्थात् १०९ ग्राम स्याउमा ६२ क्यालोरी मात्र हुन्छ । यो कम क्यालोरीयुक्त खाना मात्र होइन, फाइबर, भिटामिन सी र पोटासियम जस्ता धेरै आवश्यक पोषक तत्वहरूको भण्डार पनि हो। यसबाट तपाईंले फ्लेभोनोइड क्वेर्सेटिन जस्ता एन्टिअक्सिडेन्टहरू प्राप्त गर्न सक्नुहुन्छ। जसले तपाईको बढ्दो तौललाई धेरै हदसम्म नियन्त्रण गर्न सक्छ।

ब्रोकाउली
ब्रोकाउली पौष्टिक तत्वले भरिपूर्ण सुपर फूड हो । यसको सेवनले तौल घटाउन धेरै मद्दत गर्छ, साथै मधुमेह जस्ता रोगहरूमा पनि फाइदाजनक हुन्छ । ब्रोकाउली खानाले मुटु रोगको जोखिम पनि कम गर्न सकिन्छ । एक कप पकाएको ब्रोकाउलीबाट लगभग ५४ क्यालोरी प्राप्त हुन्छ। साथै भिटामिन सी र एन्टिअक्सिडेन्ट जस्ता पोषक तत्व प्राप्त गर्न सकिन्छ ।