काठमाडौं। सेयर बजार बुधबार दोहोरो अंकले ओरालो लागेको छ। नेप्से परिसूचक आज २०.४१ अंकले घटेर २६४५.३९ को विन्दुमा ओर्लिएकाे हो।

बजार घट्दा १५५ कम्पनीको शेयरभाउमा गिरावट आएको छ। ७६ कम्पनीको शेयरभाउ बढ्दा १३ वटाको स्थिर रहेको छ।

बजारमा आज वित्त र व्यापार समूहबाहेक अरु ११ वटा समूहमा रातो पोतिएको छ। वित्त समूह २.३२ प्रतिशतले बढ्दा व्यापार समूह ०.२५ प्रतिशतले उकालो लागेको छ।

बुधबार बजारमा ६ अर्ब २७ करोड ८९ लाख रुपैयाँ बढीको कारोबार भएको छ। सर्वाधिक कारोबार आईसीएफसी फाइनान्सको भएको छ।