काठमाडौँ । अन्तर्राष्ट्रिय प्रहरी संगठन (इन्टरपोल)बाट रेड नोटिस जारी भएका एकजना आरोपीलाई कुवेतबाट पक्राउ गरिएको छ । पक्राउ पर्नेमा दिलीप राउत छन् । 

नेपाल प्रहरीको इन्टरपोल शाखा र एनसिबी कुवेतको समन्वयमा उनलाई पक्राउ गरेर मंगलबार काठमाडौँ ल्याइएको प्रहरी प्रधान कार्यालयले जनाएको छ । उनी मानव बेचबिखन तथा ओसारपसार मुद्दामा फरार थिए । उनीविरुद्ध प्रहरीले अनुसन्धान सुरु गरेको छ ।