काठमाडौँ। मोरङको ग्रामथान गाउँपालिकामा हुने उप निर्वाचनमा नेपाली काँग्रेसले बलराम सरदारलाई उम्मेदवार बनाउने भएको छ ।

काँग्रेसको मोरङको संसदीय समिति बैठकले नेपाली काँग्रेसका पूर्वमहासमिति सदस्य सरदारलाई अध्यक्षको उम्मेदवार बनाउने निर्णय गरेको हो ।

आज बसेको बैठकले सरदारलाई उम्मेदवार बनाउने निर्णय गरेको मोरङका काँग्रेसले जनाएको छ । गाउँपालिका अध्यक्षको लागि काँग्रेसबाट १७ जना आकांक्षी रहेको भए पनि सरदारलाई उम्मेदवार बनाइएको बताइएको छ ।

२०७९ सालको निर्वाचनमा नेपाली काङ्ग्रेसबाट अध्यक्षमा निर्वाचित भएका जयप्रकाश गच्छदारको हृदयाघातका कारण मृत्यु भएपछि ग्रामथानमा उपनिर्वाचन हुन लागेको हो ।