काठमाडौं । देशका विभिन्न स्थानमा ४ जना मृत अवस्थामा फेला परेका छन् ।

झापा, बिर्तामोड नगरपालिका-३ स्थित आशाम भवन एण्ड लजमा भारत सोनिकपुर घर भएका ५६ वर्षीय राम बहादुर भुजेल बिहीबार मृत अवस्थामा फेला परेका हुन् ।

यस्तै रूपन्देही, तिलोत्तमा नगरपालिका-१० सक्रहवा बस्ने २७ वर्षीय हरि प्रसाद हरिजन आफ्नै कोठामा बिहीबार मृत अवस्थामा फेला परेका छन् ।

चितवन, माडि नगरपालिका-१ स्थित नारायणी नदी किनारमा हाल नाम, थर, वतन नखुलेका अन्दाजी ४६ वर्षीय पुरूष बिहीबार मृत अवस्थामा फेला परेका छन् ।

म्याग्दी, अन्नपूर्ण गाउँपालिका-५ भिरकोट बगरस्थित कालिगण्डकी नदीमा हाल नाम, थर, वतन नखुलेका अन्दाजी ३६ वर्षीय पुरूष बिहीबार मृत अवस्थामा फेला परेका छन् ।

यस सम्बन्धमा प्रहरीले आवश्यक अनुसन्धान गरिरहेको छ ।