काठमाडौँ । डोल्पाको त्रिपुरासुन्दरी नगरपालिका-५ को वडाध्यक्षमा नेकपा माओवादी केन्द्र नरबहादुर झाँक्री विजयी भएका छन्।

उनले १ सय ६१ मत प्राप्त गर्दै वडाध्यक्षमा निर्वाचित भएका हुन्। उनका प्रतिद्वन्द्वी नेकपा एमालेका नरबहादुर रोकाले ११७ मत प्राप्त गरेका छन्। यस्तै, काँग्रेस उम्मेदवार राजेन्द्रप्रसाद न्यौपानेले २१ मत ल्याएका छन् । 

२०७९ सालमा भएको स्थानीय तहको निर्वाचनमा नेकपा एमालेबाट वडाध्यक्षमा निर्वाचित नन्दलाल रोकाको दमका कारण गत माघमा निधन भएपछि पद रिक्त थियो।