काठमाडाैं । नेपाल विद्युत प्राधिकरणले एक हजार ८३ जना कर्मचारी माग गर्दै दरखास्त आह्वान गरेको छ।

प्राधिकरणले शुक्रबार विभिन्न समूहका तह ७ देखि १० सम्मका (अधिकृतस्तर) १९५ जना र विभिन्न समूहका ५ तह (सहायकस्तर)मा ८८८ जना खुला/समावेशी प्रतिस्पर्धाबाट स्थायी नियुक्त गर्न विज्ञापन गरेको हाे । सबै पदको लिखित परीक्षा लोकसेवा आयोगले लिनेछ ।

इच्छुक र योग्यता पुग्ने नेपाली नागरिकहरूले पुस २५ गतेसम्म दरखास्त दिन सक्नेछन्। यस्तै दोब्बर दस्तुर तिरेर माघ ३ गतेसम्म आवेदन दिन सकिनेछ ।