काठमाडौं । राष्ट्रिय स्वतन्त्र पार्टी (रास्वपा)ले पोखराको सहिदचोक, लेकसाइडलगायत क्षेत्रमा दुई महिनादेखि जारी निषेधित क्षेत्र हटाउन माग गरेको छ ।

मंगलबार रास्वपाका नेताहरूले कास्कीका प्रमुख जिल्ला अधिकारीलाई भेटेर निषेधित क्षेत्र हटाउन माग गरेका हुन् ।

इसायी धर्मालम्बीहरुको विशेष पर्व क्रिसमस र अंग्रेजी नयाँ वर्षका अवसरमा पोखरा आउने पर्यटकलाई प्रशासनले लगाएको निषेधित क्षेत्रका कारण समस्या भएकाले रास्वापाले हटाउन माग गरेको हो ।

पार्टी सभापति रवि लामिछानेलाई गत २ कार्तिकमा काठमाडौंबाट पक्राउ गरी ३ कार्तिकमा पोखरा पुर्याएकै दिन जिल्ला प्रशाासन कार्यालय कास्कीले पोखराको सहिदचोकसहितका क्षेत्रलाई निषेधित घोषणा गरेको थियो ।