मुम्बई। बलिउड अभिनेता सैफ अलि खानपछि अर्का सेलिब्रेटीको घरमा सदिंग्ध ब्यक्ति पसेको घटना सार्वजनिक भएको छ ।

केही दिनअघि अभिनेता शाहरुख खानको घरमा पनि एक अज्ञात व्यक्ति पस्ने प्रयास गरेकाे घटना बाहिरिएकाे हाे ।

जानकारी अनुसार २–३ दिनअघि एक अज्ञात व्यक्तिले शाहरुखको मन्नत बंगलामा प्रवेश गर्ने प्रयास गरेका थिए । तर, पर्खाल चढ्दा पनि जालका कारण उनी बंगलाभित्र पस्न भने सकेनन् । शाहरुखको घरमा प्रवेश गर्नुको कारण भने खुल्न अझै सकेको छैन ।

सैफ अली खानमाथि आक्रमण गर्ने र शाहरुख खानको घरमा प्रवेश गर्ने व्यक्ति एउटै हुन सक्ने प्रहरीको आशंका छ । अहिले मुम्बइ प्रहरीले दुबै घटना जोडेर अनुसन्धान सुरू गरेको छ ।