काठमाडौं । गायिका मेलिना राई विवाह बन्धनमा बाँधिएकी छन् ।

मेलिनाले प्रेमी ध्रुव गुरुङसँग शुक्रबार लगनगाँठो कसेकी हुन् । केही समयदेखिको प्रेम सम्बन्धलाई यी दुईले विवाहमा परिणत गरेका हुन् ।

काठमाडौंको गोकणेश्वरस्थित हिमाली घर रिसोर्टमा उनीहरूको विवाह समारोह आयोजना गरिएको थियो । मेलिना र ध्रुवले बुधबार मात्रै इन्गेजमेन्ट गरेका थिए ।

ध्रुवको घर इलाममा रहेको र उनी बेलायती सेनामा कार्यरत गोर्खा सैनिक रहेको जनाइएको छ ।

मेलिनाले गाएका दर्जनौं गीत सुपरहिट छन् ।