काठमाडाैं । नेपाल समाजवादी पार्टीको प्रथम महाधिवेशन सुरू भएको छ।

आइतबार काठमाडौंको कमलादीस्थित नेपाल प्रज्ञा भवनमा जारी महाधिवेशनमा पुराना दलका नेताहरू उपस्थित छैनन्।

जनमत पार्टीका अध्यक्ष सीके राउत, नागरिक उन्मुक्ति पार्टीका संरक्षक रेशम चौधरी, राष्ट्रिय स्वतन्त्र पार्टी (रास्वपा) का कार्यबाहक सभापति डोल प्रसाद अर्याल, विवेकशील साझाकी नेतृ समीक्षा बाँस्कोटा लगायत पुगेका छन् । महाधिवेशनकाे उद्घाटन सत्रमा नयाँ र वैकल्पीक पार्टीहरुलाई मात्र बाेलाइएकाे बताइएकाे छ ।

नेसपाले नेपाली कांग्रेस, नेकपा (एमाले), नेकपा (माओवादी केन्द्र), राष्ट्रिय प्रजातन्त्र पार्टी (राप्रपा), जनता समाजवादी पार्टी नेपाल, जनता समाजवादी, राष्ट्रिय जनमोर्चा, नेपाल मजदुर किसान पार्टी, लगायत पुराना दलका नेताहरूलाई निम्तो नै दिएको छैन।

महाअधिवेशनमा एक हजार पाँच सय प्रतिनिधिले भाग लिने छन् । महाधिवेशनमार्फत ११ जना पदाधिकारीसहित ९९ सदस्यीय केन्द्रीय समिति चयन गरिने बताइएको छ ।