काठमाडौं । प्रधानमन्त्री केपी शर्मा ओलीले अध्यादेशबारे अहिले मतदान गर्ने बेला नभएको बताएका छन् ।

सङ्घीय संसद् भवन परिसरमा अध्यादेश सम्बन्धमा सोधिएको प्रश्नबारे सञ्चारकर्मीलाई संक्षिप्त प्रतिक्रिया दिँदै उनले अहिले संसद्को गणपूरक सङ्ख्या गन्ने बेला आइनसकेको बताए ।

संसद्को हिउँदे अधिवेशन सुरु हुनुअघि सरकारले विभिन्न मितिमा छवटा अध्यादेश ल्याएको थियो । हिँउदे अधिवेशनको पहिलो बैठकमा पेश गर्ने भनिएका अध्यादेश यही २४ गते स्थागित भएको थियो ।

स्थगित गर्दा माघ २७ गतेको सभामा अध्यादेश अगाडि बढाइने बताइएको थियो । तर आइतबारको दुवै सदनको सम्भावित कार्यसूचीमा अध्यादेश समावेश गरिएको छैन ।