मेरो बाल्यकाल एकदम रमाइलो रह्यो । म चाहिँ घरमा सबै भन्दा कान्छी छोरी । म भन्दा माथि दुई जना दिदी हुनुहुन्थ्यो । दिदीहरुभन्दा धेरै उमेरको फरकको कारणले पनि बाल्यकालमा म पुलपुलिएरै हुर्किएँ ।

हाम्रो परिवार धार्मिक सिद्धान्तलाई मान्ने भएकाले कुनै पनि साना–ठूला उपलब्धी र सफलता प्राप्त हुँदा धन्यवाद/कृतज्ञता व्यक्त गर्न सिकाउनुभयो । हामी चाहिँ तीन जना छोरी थियौँ, हाम्रो परिवारमा छोराको आवश्यकता महसुस गरिएको मलाई थाहा छैन ।

मेरो पुरख्यौली घर काठमाडौंको लाजिम्पाट हो । म २०३९ सालमा जन्मेको । विद्यालय जीवन पनि मेरो पढाई चित्तबुझ्दो मात्र थियो । म अतिरिक्त क्रियाकलापमा भने सक्रिय सहभागिता जनाउँथे । कक्षा एक देखि पाँचसम्म गुहेश्वरी स्कुल पढें, त्यसपछि प्लस टुसम्म भानुभक्त मेमोरियल पढें । मेरो चाहिँ प्लस टु पास गरेपछि बाहिर जाने लक्ष्य थियो । मैले तयारी पनि गरिरहेको थिए । तर केही कारणले गर्दा म नेपालमै पढ्ने भए । एसीइ इन्स्टिच्युट अफ म्यानेजमेन्टबाट मैलै ब्याचलर गरे र मास्टर पनि त्यहीँ स्कुलमा गरे ।

म सानै बाट कम बोल्ने स्वभावको थिए । त्यो स्कुलको व्यवस्थापन धेरै राम्रो भएकाले मैले त्यहाँबाट धेरै कुरा सिके । केहि समय मैले बैंकिङ क्षेत्रमा काम गरेँ । तर आफ्नै स्कुल भएको कारण स्कुलमा मैले समय दिनुपर्छ भनेर मैले बैंकिङ क्षेत्र छोडे । शिक्षाको क्षेत्र निक्कै चुनौतिपूर्ण र संवेदनसिल छ । विद्यार्थीको शैक्षिक गुणस्तर, अनुसाशन, व्यहारमा परिवर्तन ल्याउन विद्यालयको ठूलो भूमिका हुने रहेछ ।

मैले स्कुलको जिम्मेवारी लिने भएपछि काठमाडौं युनिभरसिटीबाट मास्टर इन एजुकेसनलाई निरन्तरता दिए । यम एट सकिएपछि ममा झन् उर्जा थपियो । सन् २०१३ मा प्रेम विवाहपछि हाम्रा छोरा र छोरी दुई सन्तान भए ।

हामी आर्थिक रुपमा सशक्त, आत्मनिर्भर बन्न र करियरलाई अगाडि बढाउन हामी दुबैजनाले मेहनत ग¥यौँ ।

त्यसैको प्रतिफल स्वरुप सन् २०१३ बाट इम्पेरियल वल्र्ड स्कुलमा सुरु गरियो । त्यसै क्रममा देशविदेशसम्म पुगेर शिक्षा क्षेत्रमै काम ग¥यौँ । हामीले विदेशको शिक्षा क्षेत्रमा सैद्धान्तिक भन्दा प्रयोगात्मक विधिबाट पढाइने ज्ञान पायौँ । त्यही देखेर, सिकेर हामीले इम्पेरियल स्कुलमा पनि विद्यार्थीको शैक्षिकलगायत विविध क्षेत्रको समग्र विकासका लागि प्रयोगात्मक विधि नै अपनाउँदै आएका छौँ, यसबाट दक्ष र जिम्मेवार नागरिक तयार हुने विश्वास गरेका छौँ । नेपालको सन्दर्भमा विद्यालय चलाउने निक्कै चुनौतिपूर्ण र जिम्मेवार पेशा हो ।

स्कुल सुरु गर्दा नै स्कुलको स्पष्ट लक्ष्य र उद्देश्य निर्धारण गरेर अगाडि बढाएका छौँ । साधारणतया पढाउने स्कुल त सबैले खोलेकै छन् । भौतिक संरचना र जनशक्ति पनि राम्रो प्रवन्ध मिलाएर पढाउने विद्यालयहरु पनि प्रसस्त छन् । त्यस्ता विद्यालयहरुको भिडमा अभिभावकले इम्पेरियल स्कुलमै आफ्ना बालबालिकालाई किन पढाउने त ? भन्ने प्रश्नको उत्तर नतिजामै देखाउन सके मात्र इम्पेलियललाई छनौट गर्छन् भन्ने मान्यताका साथ हामी सम्पूर्ण स्कुलको टिमले मिलेर काम गरिहेका छौँ ।

हाम्रो विद्यालयले पढाउने तरिका, यहाँको सुरक्षा, अतिरिक्त क्रियाकलाप, अनुशासन, स्कुलले विद्यार्थीका लागि उपलब्ध गराएको वातावरणको बारेमा शिक्षक, अभिभावक, स्कुलको व्यवस्थापनलगायत सबैलाई बुझाएर सामुहिकतामा विश्वास र काम गर्न इम्पेरियलले सबैलाई प्रेरित गर्दै आएको छ ।

(जुनिता कार्की बुढानीलकण्ठस्थित इम्पेरियल वल्र्ड स्कुलकी प्रिन्सिपल हुन् ।)