काठमाडौं । सेयर बजार बुधबार पनि घटेको छ । सोमबारयता उकालो नलागेको नेप्से परिसूचक आज पनि २५ दशलमव १६ अंकले घटेर २,८२१ को विन्दुमा कायम भएको हाे ।

बुधबार ६२ कम्पनीको सेयर मूल्य बढेको छ भने १७४ कम्पनीको घटेको छ । आज दिनभरिमा ३०८ कम्पनीको २ करोड ३३ लाख ४३ हजार २०१ कित्ता सेयर किनबेच हुँदा १० अर्ब ९७ करोडमाथिको कारोबार भएको छ ।

यसदिन सबैभन्दा धेरै हिमालयन रिइन्स्योरेन्सको सेयर कारोबार भएको छ । आज यस कम्पनीको ९६ करोड ७० लाख रुपैयाँको सेयर कारोबार भएको हाे । यस्तै नेपाल पुनर्बीमा कम्पनीको ९० करोड ३१ लाख रुपैयाँको सेयर कारोबार भएको छ । सगरमाथा जलविद्युतको ३० करोड ७९ लाखको सेयर कारोबार भएको छ ।

बुधबार सबैभन्दा धेरै समाज लघुवित्त वित्तीय संस्था र गार्डियन माइक्रो लाइफका लगानीकर्ताले कमाएका छन् भने सबैभन्दा धेरै ग्रिन डेभलपमेन्ट बैंकका लगानीकर्ताले गुमाएका छन् ।