काठमाडौँ । दक्षिण भारतीय फिल्म निर्देशक लोकेश कनागराजले सुपरस्टार रजनीकान्त अभिनीत बहुप्रतिक्षित एक्सन ड्रामा ‘कुली’ मा बलिउड सुपरस्टार आमिर खानको विशेष भूमिका हुने भएको छ ।

यो फिल्म हाल निर्माणाधीन छ र यस वर्षको अन्त्यतिर ठूलो पर्दामा आउने तयारीमा छ । ‘कुली’ मा आमिर खानको केमियो भूमिका हुने बताइएको छ ।

यसैबीच, आज अभिनेता आमिर खानको ६०औं जन्मदिनमा शुक्रबार , निर्देशक लोकेश कनागराजले अभिनेतासँगको आफ्नो तस्बिर साझा गर्दै जन्मदिनको शुभकामना दिएका छन् । रोचक कुरा के छ भने, लोकेश कनागराज पनि शुक्रबारनै आफ्नो ३९औं जन्मदिन मनाएका छन् । यद्यपि फिल्म निर्माताले आमिरको उपस्थितिको प्रत्यक्ष पुष्टि गरेनन्, तर उनले आफ्नो पोस्टमा आधिकारिक बनाउन संकेत दिएका छन् ।

लोकेशले इन्स्टाग्राममा सेयर गरिएको पोस्टमा भनेका छन्, ‘आमिर खान सर, तपाईंलाई जन्मदिनको शुभकामना। हामीसँग भएको सुन्दर कुराकानीको लागि म धेरै आभारी छु। तपाईंको गहिरो सोच र कथा कथनप्रतिको लगावले मलाई सधैं प्रेरित गरेको छ । आगामी वर्षहरूमा पर्दामा अझ धेरै जादू सिर्जना गर्न उत्सुक छु र यो विशेष दिन तपाईंसँग साझा गर्न पाउँदा उत्साहित छु, सर ।

‘कुली’ भारतीय चलचित्रहरू मध्ये एक हो । जबकि ‘कुली’ एक एक्सन थ्रिलर फिल्म हो भनिन्छ, जसको लेखन र निर्देशन लोकेश कनागराजले गरेका हुन् । सन पिक्चर्सद्वारा निर्मित यस फिल्ममा रजनीकान्तसँगै नागार्जुन, उपेन्द्र, सौबिन शाहीर, सत्यराज, श्रुति हसन, रेबा मोनिका जोन, जुनियर एमजीआर र मोनिशा ब्लेसी मुख्य भूमिकामा छन्।