काठमाडौं । साताको कारोबारको दोस्रो दिन आज सेयर बजारमा दोहोरो अंकको गिरावट आएको छ ।

आज नेप्से परिसूचक १० दशमलव १४ अंकले घटेर २७०४ दशमलव ७० को विन्दुमा पुगेको हाे ।

साेमबार ८५ कम्पनीको सेयर मूल्य बढेको छ भने १४५ कम्पनीको घटेको छ । आज दिनभरिमा ३३१ कम्पनीको ९९ लाख ३५ हजार ८७२ कित्ता सेयर किनबेच हुँदा ५ अर्ब ४० करोडको कारोबार भएको छ ।

आज सबैभन्दा धेरै हिमालयन रिइन्स्योरेन्सको सेयर कारोबार भएको छ । आज यस कम्पनीको ४३ करोड ९३ लाख रुपैयाँको सेयर कारोबार भएको छ ।

यस्तै नेपाल पुनर्बीमा कम्पनीको ३० करोड ७४ लाख रुपैयाँको सेयर कारोबार भएको छ । महालक्ष्मी विकास बैंकको २२ करोड ३५ लाख रुपैयाँको सेयर कारोबार भएको छ ।