काठमाडौं । हास्य टेलिसिरियल ‘सक्किगोनि’को तेस्रो सिजन बन्द भएको छ ।

सिरियलका कलाकार अर्जुन घिमिरे (पाँडे) ले सामाजिक सञ्जालमार्फत परिस्कृत सिर्जनाको तयारीका लागि तत्काललाई विश्राम लिएको जनाएका छन् । उनले चाँडै नै आफुहरुले ‘सक्किगोनि’को चौथो सिजन ल्याउने समेत बताएका छन् ।

“तेस्रो सिजनबाट प्राप्त गरेको ज्ञान, सिप र अनुभवलाई विवेकसम्मत प्रयोग गरेर थप उत्कृष्टताका साथ हामी चाँडै नै चौथो सिजन लिएर आउनेछौँ,” कलाकार घिमिरेले लेखेका छन्।

साथै उनले चौथो सिजनका लागि सुझाव पनि माग गरेका छन् ।

‘सक्किगोनि’ को तेस्रो सिजनअतर्गतको ९३ औँ भाग पाँच दिनअघि बिहिबार मात्रै प्रसारणमा आएको थियो ।