काठमाडाैं । समाजवादी मोर्चाले चैत १५ गते काठमाडौँमा गर्ने प्रदर्शनमा उपस्थित हुन आह्वान गरेको छ।

बुधबार नेकपा (एकीकृत समाजवादी) को पार्टी केन्द्रीय कार्यालय आलोकनगरमा बसेको समाजवादी मोर्चाको बैठकले १५ गते हुने जनप्रदर्शनमा सहभागी हुन आह्वान गरेको हो।

बैठकपछि सञ्चारकर्मीहरूसँग कुरा गर्दै नेपाल कम्युनिस्ट पार्टीका प्रवक्ता खड्कबहादुर विश्वकर्माले मोर्चाको तर्फबाट १५ गते हुने प्रदर्शनमा सम्पूर्ण गणतन्त्रवादीहरूलाई उपस्थित हुन आह्वान गर्ने निर्णय भएको बताए।

उनले जुलुस कोटेश्वर हुँदै माइतीघर मण्डला, कुपन्डोल, कालीमाटी, नागपोखरी पुतलीसडक, केही सुन्धारा, भृकुटीमण्डपको माथिल्लो चोकमा पुगेर सभामा परिणत हुने जानकारी दिए ।