काठमाडौं। साउथ अभिनेत्री सामन्था रुथ प्रभु आफ्नो करियरको नयाँ चरण सुरु गरेकी छन् । सधैँ पर्दामा देखिने सामन्था यसपटक निर्माताका रुपमा आएकी छन् ।

उनी निर्माता रहेको हरर कमेडी फिल्म ‘सुभम’ को प्रोमोशनका लागि यतिबेला तीव्र दौडधुप भइरहेको छ ।

हालै एक समारोहमा आएकी सामन्थाले आफ्ना सुरुवाती दिनका चलचित्र हेर्दा लज्जित महशुस हुने गरेको खुलासा गरेकी छन् ।

चलचित्रमा आफ्ना सुरुवाती दिन सम्झिँदै सामन्थाले भनिन्, मैले आफ्ना पहिला दुई फिल्म हेर्दा आफैलाई लज्जित महशुस हुन्छ । आश्चर्य मान्छु कि यस्तो खराब अभिनय किन गरेँ ।

सामन्था निर्माता रहेको फिल्म ‘सुभम’ मा हर्षित रेड्डि, गविरेड्डि श्रीनिवास, चरण पेरी, श्रिया कोंथप, श्रावणी लक्ष्मी, शालीनि कोंडेपिडी र वामसिधर गौंडसहित नयाँ कलाकारहरुको अभिनय छ ।