काठमाडौं । ओमोडा एन्ड जेइकोले विश्वव्यापी डिलरहरूका लागि ‘फ्युचर फेसन र डेलिकेट अफ-रोड’को अनुभव दिने नयाँ अवधारणा ‘ओ-युनिभर्स’ सार्वजनिक गर्ने भएको छ।

आउँदो वैशाख १२ गते शुक्रबार (अप्रिल २५) मा आयोजित एक विशेष कार्यक्रममा यो अवधारणा सार्वजनिक गरिने कम्पनीले जनाएको छ।

‘ओ-युनिभर्स’ ले विश्वभरका डिलर तथा मिडिया प्रतिनिधिहरूलाई ओमोडाको अत्याधुनिक प्रविधिमा आधारित ‘ओ-ल्याब’ र जेइकोको अफ-रोड जीवनशैलीमा केन्द्रित ‘जे-ल्यान्ड’ गरी दुई भिन्न अनुभव प्रदान गर्नेछ। यी दुवै अनुभवले भविष्यको जीवनशैलीलाई नयाँ ढंगले परिभाषित गर्ने लक्ष्य राखेको कम्पनीको भनाइ छ।

फ्युचरिस्टिक प्रविधिको उत्सव – ओमोडा ‘ओ-ल्याब’

ओमोडाको ‘ओ-ल्याब’ ले सहभागीहरूलाई सन् २०५० को भविष्यको सहरको अनुभव दिनेछ, जहाँ प्रविधि र कला एकसाथ प्रस्तुत हुनेछन्। सार्वजनिकिकरण कार्यक्रममा अत्याधुनिक ‘एलइडी स्क्रिन’का भित्ताहरूमा ओमोडाका नवीनतम प्रविधिहरू प्रदर्शन गरिनेछन्। सहभागीहरूले रोबोट, रोबोटिक कुकुर, ड्रोन र विभिन्न अन्तरक्रियात्मक गतिविधिहरूमार्फत पूर्ण रूपमा प्रविधियुक्त संसारको अनुभव लिन सक्नेछन्। यस अवसरमा ओमोडाको पहिलो हाइब्रिड मोडल ‘सि-सेभेन एसएचएस’ र पहिलो पूर्ण विद्युतीय गाडी ओमोडा ‘इ-फाइभ’ पनि प्रदर्शन गरिनेछ।

यसैगरी, ‘सि-थ्रि साइबर मेका आर्ट ग्यालरी’ले आफ्नो ‘इन्टेलिजेन्ट लाइट इन्सटलेसन’ मार्फत एक अनौठो कलात्मक अनुभव प्रदान गर्नेछ। यसले नयाँ पुस्तालाई ‘मेका’बाट प्रेरित ‘मोबिलिटि’ र ‘डिजाइन’को नयाँ कल्पना गर्न प्रेरित गर्ने विश्वास लिइएको छ।

क्याम्पिङ अनुभवलाई बदल्ने जेइको ‘जे-ल्यान्ड’ को डेब्यु

ओमोडाको प्रविधि प्रदर्शनसँगै जेइकोले ‘जे-ल्यान्ड’ प्रदर्शनीमा हरियाली वातावरण प्रस्तुत गर्नेछ। यहाँ पूर्ण विद्युतीय लाइट-आउटडोर-एसयुभी ‘जे-फाइभ बिइभि’, जेइकोको नवीनतम ‘एसएचएस हाइब्रिड’ प्रविधि युक्त ‘जे-सेभेन एसएचएस’ र ‘जे-एट एसएचएस’ मोडलहरू प्रदर्शन गरिनेछन्। यी अत्याधुनिक अफ-रोड गाडीहरूलाई आकर्षक ‘रक्की प्लाटफर्म’मा राखिनेछ, जसले यी गाडीहरूको कठिन भू-भागमा समेत चल्न सक्ने क्षमता प्रदर्शन गर्नेछ र सहभागीहरूलाई नयाँ ठाउँहरूमा घुम्न उत्प्रेरित गर्नेछ। प्रदर्शनीस्थललाई जङ्गलमा क्याम्पिङ गर्दाको जस्तै अनुभव दिन हरियाली घाँस, घना वनजङ्गल, डाँडाकाँडा र चट्टानजस्ता तत्वहरू प्रयोग गरिनेछ।

‘इको-सो’ कै क्रममा सहभागीहरूले जे-फाइभ बिइभिको नयाँ “लाइट क्याम्पिङ” टेस्ट ड्राइभको अनुभव लिन सक्नेछन्। यो विशेष अनुभवले १० देशका अन्तर्राष्ट्रिय सञ्चार प्रतिनिधिहरूलाई सहरी क्षेत्रबाट चुनौतीपूर्ण भू-भाग हुँदै जङ्गलतर्फको यात्रामा लैजानेछ। यसले गाडीको परीक्षणसँगै आउटडोर जीवनशैलीको नयाँ दृष्टिकोण प्रदान गर्नेछc

ओमोडा एन्ड जेइकोको ‘इको-सो’ अप्रिल २५ देखि सुरु हुँदैछ। कम्पनीले ‘फ्युचर फेसन × डेलिकेट अफ-रोड’को यो नयाँ अनुभवमा सहभागी भई ओमोडा एन्ड जेइकोले भविष्यको जीवनशैलीलाई कसरी पुन:परिभाषित गर्दैछ भन्ने प्रत्यक्ष अवलोकन गर्न समेत आह्वान गरेको छ ।