क्यानडाको भ्यानकुभरमा एउटा कार भिडमा पसेपछि नौ जनाको मृत्यु भएको छ । स्थानीय बासिन्दाले लापु-लापु दिवसको उत्सव मनाइरहेका बेला यो घटना भएको हो । 

भ्यानकुभर प्रहरीले जानकारी दिएको अनुसार घटनामा संलग्न रहेको आरोपमा ३० वर्षीय एक संदिग्धलाई नियन्त्रणमा लिइएको छ । हालसम्म घटनाको कारण स्पष्ट नभए पनि प्रहरीले यसलाई आतंकवादी आक्रमण नभएको बताएको छ ।

यहाँ हरेक वर्ष अप्रिल २७ तारिखमा लापु-लापु दिवस मनाइन्छ । लापु-लापु स्पेनिस उपनिवेशवादविरुद्ध आवाज उठाउने राष्ट्रिय नायक हुन् ।