काठमाडौं । राष्ट्रिय प्रजातन्त्र पार्टीकी सांसद रोशन कार्कीले प्रतिनिधिसभाको विशेष समयमा बोल्दै निलो किताबमा लेखिएकोले मात्रै गणतन्त्र जोगिन नसक्ने टिप्पणी गरेकी छन् ।

उनका अनुसार सरकारको नीति तथा कार्यक्रममा गणतन्त्र संस्थागत गर्ने भन्ने उल्लेख आन्दोलनबाट डरिएको संकेत हो, जसले सरकारको कायरता देखाउँछ ।

कार्कीले आफ्ना मुद्दा उठाउँदा नेताहरूलाई हतकडी लगाउने प्रवृत्तिप्रति आक्रोश व्यक्त गर्दै गिरिबन्धु टी–इस्टेट र ललिता निवासमा संलग्न भ्रष्टाचारीहरूलाई पनि हतकडी लगाउन सरकारलाई चुनौती दिइन् ।

उनले चैत १५ गतेको घटनाबारे न्यायिक छानबिन गर्न सरकार तयार नभएको आरोप पनि लगाइन् ।