काठमाडौं। भिजिट भिसा प्रकरणमा राजीनामाको दबाबमा रहेका गृहमन्त्री रमेश लेखकले आफूमाथि लागेका आरोपबारे प्रस्टीकरण दिन पत्रकार सम्मेलन गर्ने योजना बनाएका छन्।

विपक्षी दलहरूले उनलाई बोल्न नदिई संसद बैठक लगातार अवरोध गरेकाले उनले पत्रकार सम्मेलनमार्फत कुरा राख्ने तयारी गरेको उनीनिकट स्रोतले जानकारी दिएको छ।

विपक्षीहरुको अवरोध हटे संसद् बैठक मार्फत् आफ्नो कुरा राख्ने गृहमन्त्रीको तयारी छ।

भिजिट भिसा प्रकरणमा सरकारले गृहमन्त्रीको बचाउ गरिरहे पनि विपक्षी दलहरूले भने उनको राजीनामा नआई संसद् चल्न नदिने अडान राखेका छन्।