काठमाडाैं । मुक्तिनाथ विकास बैंकले विदेशमा अध्ययनका लागि जाने विद्यार्थीहरूले भुक्तानी गर्नुपर्ने भिसा तथा शैक्षिक शुल्कहरू अब मुक्तिनाथ विकास बैंकबाट तिर्न सक्ने सेवा सुरुवात गरेको छ ।

एक्सपर्ट एजुकेसन तथा भिसा सर्भिस प्रालि महाराजगञ्ज र मुक्तिनाथ विकास बैंकबीच एक सम्झौता गरी शैक्षिक शूल्क भुक्तानीसम्बन्धी सेवा सुरु गरिएको हो ।

यस सेवाअन्तर्गत उच्च शिक्षा अध्ययनका लागि विदेश जान चाहने नेपाली बिद्यार्थीहरूले भिसा शुल्क, स्याट, सेभिस शुल्क, पीटीई परीक्षा शुल्क, आवेदन शुल्क र जीम्याटलगायतका शैक्षिक शुल्कहरू मुक्तिनाथ विकास बैंकबाट भुक्तानी गर्न सक्नेछन् । यो सेवा हालका लागि बैंकको महाराजगञ्ज शाखा र कमलादी शाखा कार्यालयबाट सुरुवात गरिएको बैंकले जनाएको छ ।

विकास बैंकले डिजिटल कारोबारलार्ई प्रोत्साहन गर्न भिसानेटवर्कअन्तर्गतका जुनसुकै बैंकको एटीएमबाट रकम झिक्दा विशेष छुटको व्यवस्था गरिएको छ । बैंकले हालै मोबाइल एक फाइदा अनेक लिन सक्ने मुक्तिनाथ फाइदा एप सञ्चालनमा ल्याउनुका साथै अन्तरदेशीय क्यूआर भुक्तानी सेवा पनि सञ्चालनमा ल्याएको छ ।