काठमाडौं। नेपालका लागि एमजी मोटर्सको आधिकारिक आयातकर्ता एवम् वितरक पारामाउन्ट मोटर्स प्रालिले भारतमा चर्चित एमजी विन्डसर ईभी नेपाल भित्र्याएको छ । बुधबार काठमाडौंमा आयाेजित एक कार्यक्रममा कम्पनीले यसलाई सार्वजनिक गरेको हो ।

भारतमा निर्मित यस गाडीले व्यवहारिकता, सुविधा र प्रिमियम डिजाइनलाई एउटै गाडीमा समेट्दै एमजीको इलेक्ट्रिक मोबिलिटी पोर्टफोलियो विस्तार गरेको छ। विन्डसर इभीले थप स्पेस, थप कम्फर्ट र थप प्रिमियम फिचरहरू उपलब्ध गराउने कम्पनीले दाबी गरेकाे छ।

यस गाडीमा १३५ड्ढ रेक्लाइन हुने एरो लाउन्ज सिटहरू, ६०४ लिटरको ठुलो बुट स्पेस, र १५।६ इन्चको ग्रान्डभ्यू टच डिस्प्ले रहेको छ । विन्डसर इभीमा शक्तिशाली मोटर पावर रहेको छ । यसको ३८ किलोवाट ब्याट्रीले ३३२ किमीको रेन्ज प्रदान गर्ने कम्पनीले जनाएको छ ।

प्रिमियम अपिल बढाउन यसमा लेदरेट सिटहरू र स्मार्ट फ्लश डोर ह्यान्डल पनि राखिएका छन्। सुरक्षाका लागि यसमा ६ वटा एयरब्याग राखिएको छ । साथै यो आईपी ७८ रेटेड भएको र ३९ वटा कडा सेफ्टी टेस्टहरू पार गरेको छ। १८६ मिमि ग्राउन्ड क्लियरेन्सले रहेको छ ।

ग्राहकहरूको मनोबल र भरोसा बढाउन, विन्डसर इभीमा ८ वर्षको ब्याट्री वारेन्टी रहेको छ। साथै, नेपालभर फैलिएको एमजीको डिलर नेटवर्कले बिक्री र सर्भिसमा उत्कृष्ट सेवा दिने कम्पनीको दाबी छ ।

नेपालमा उपलब्ध अन्य एमजी गाडीहरूमा एमजी ४ इभी, एमजी कोमेट इभी, एमजी जेडएस इभी, र एमजी एस ५ इभी छन्। जसको मूल्य ३७ लाख ९९ हजारदेखि ३९ लाख ९९ हजार रूपैयाँसम्म ताेकिएको छ ।