काठमाडाैं । नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ले रास्वपाले सामाजिक सञ्जालमा स्टन्ट गरेको उल्लेख गर्दै त्यसले केही फरक नपर्ने बताएका छन्।

मंगलबार काठमाडौँमा आयोजित नेकपा र क्रान्तिकारी कम्युनिस्ट पार्टी, नेपालका नेताहरूसँगको एकता घोषणा कार्यक्रममा बोल्दै प्रचण्डले यस्ताे बताएका हुन् ।

उनले सामाजिक सञ्जालमार्फत जनतामा भ्रम सिर्जना गरिएको बताए। पार्टीमा विचार र सिद्धान्तको खडेरी भएकाले निर्वाचनको वेलामा सामाजिक सञ्जालमा स्टन्टबाज गर्ने बाहेक अरु केही गर्न नसकेको प्रचण्डले आरोप लगाए।

“घण्टी बजाएर मात्रै हुनेवाला केही पनि छैन । अहिले यहाँ सिद्धान्तको खडेरी, विचारको खडेरी सोसल मिडियामा स्टन्टबाज गरेको भरमा जनताको दिमाग चाटने जो काम भइराखेको छ । यसलाई हामी सबै एकताबद्ध भएर मात्रै क्रस गर्न सकिन्छ,” उनले भने ।