सशस्त्र प्रहरी बलले ललितपुरबाट पेस्तोलसहित ३ जनालाई नियन्त्रणमा लिएको छ।

सशस्त्र प्रहरी बलको इन्टेलिजेन्स ब्युरोले दोलखा जिल्ला भिमेश्वर नगरपालिका–९ घर भइ ललितपुर बस्ने २२ वर्षका सुमन तामाङ, रौतहट जिल्ला चन्द्रनिगाहपुर नगरपालिका घर भइ ललितपुर बस्ने २२ वर्षका सुशील स्याङ्तान र सुनसरी जिल्ला धरान उप महानगरपालिका घर भएका १८ वर्षका विप्लव राईलाई नियन्त्रणमा लिएको हो।

नियन्त्रणमा लिइएकाहरुलाई पेस्तोलसहित थप अनुसन्धान र आवश्यक कारबाहीका लागि नेपाल प्रहरीलाई बुझाएको  सशस्त्र प्रहरीका सहप्रवक्ता डीएसपी शैलेन्द्र थापाले बताए।