चितवन । चितवन जिल्लाको भरतपुर महानगरपालिका–२ पुलचोकस्थित नारायणी नदीमा हाम फालेकी महिलाको सशस्त्र प्रहरीले सकुशल उद्धार गरेको छ ।

सोही जिल्लाको भरतपुर महानगरपालिका–२० बस्ने २० वर्षिय सविना परियार नारायणी पुलबाट सो नदिनमा हाम फालेकी थिइन् ।

सो लगत्तै सशस्त्र प्रहरी बल नेपाल आईआरटी पोष्ट पुलचोकबाट सशस्त्र प्रहरी सहायक निरीक्षक गंगाराज गोलेको कमाण्डमा खटिएको सुरक्षा फौजले उनलाई सकुशल उद्धार गरेको हो । उद्धार पश्चात उनलाई उपचारको लागि भरतपुर अस्पतालतर्फ पठाइएको छ ।