काठमाडौं । नेकपा (एमाले)का अध्यक्ष केपी शर्मा ओलीले परिवर्तन के हो भन्ने नै नबुझेका व्यक्तिहरूले देश बनाउने सक्षम शक्तिलाई रोक्न खोजेको आरोप लगाएका छन् ।

आइतबार झापा क्षेत्र नम्बर ५ का मतदातासँग कुरा गर्दै ओलीले रास्वपाका वरिष्ठ नेता बालेन्द्र शाहप्रति लक्षित गर्दै एउटा पालिका चलाउन असफल भएकाहरूलाई देश चलाउने जिम्मा दिन नसकिने बताए ।

‘…अब प्रधानमन्त्री कस्तालाई बनाउने रे भने एउटा पालिका चलाउन नसकेर फेल खाएर भागेकालाई देश चलाउने जिम्मा दिनुपर्ने रे, प्रधानमन्त्री बनाउने रे । यो देश मजाक गर्ने ठाउँ हो यो ? यो देश प्रयोगशाला हो कसैको ? होइन’ ओलीले भने ।

उनले देश बनाउन सफल र सक्षम नेतृत्वलाई छाडेर चिन्दै नचिनेका र असफल भइसकेकाहरूलाई भोट दिनु न्यायसङ्गत नरहेको समेत बताए।