काठमाडौं । राष्ट्रिय स्वतन्त्र पार्टीका वरिष्ठ नेता बालेन्द्र शाह (बालेन)ले भारतसँगको सम्बन्धलाई आगामी दिनमा अझ सुदृढ र परिणामुखी बनाउन सहकार्य गर्ने विश्वास व्यक्त गरेका छन् ।

भारतीय प्रधानमन्त्री नरेन्द्र मोदीको पोस्टमा प्रतिक्रिया दिँदै बालेनले दुई देशबिचको सम्बन्धलाई परिणाममुखी बनाउनुपर्नेमा जोड दिएका हुन्।

मोदीले रास्वपा सभापति रवि लामिछाने र वरिष्ठ नेता शाहबिचको टेलिफोन सम्पर्कबारे सोमबार एक्समार्फत् जानकारी दिएका थिए। उनले दुई नेतासँग ‘न्यानो’ वार्ता भएको भन्दै निर्वाचनमा उनीहरूको जित र रास्वपाले हासिल गरेको सफलताका निम्ति बधाई दिएको बताएको थिए।

बालेनले भनेका छन्, ‘धन्यवाद छ शुभकामनाका लागि, सम्माननीय प्रधानमन्त्री @narendramodi ज्यू
नेपाल–भारतबीच विद्यमान ऐतिहासिक, घनिष्ठ तथा बहुआयामिक सम्बन्धलाई आगामी दिनहरूमा अझ सुदृढ, प्रगाढ र परिणाममुखी बनाउन हामी सँगै सहकार्य गर्ने विश्वास व्यक्त गर्दछु। साथै, लगातार दुई पटक विश्वकप उपाधि जित्न सफल भएकोमा भारत सरकार तथा भारतीय जनतालाई हार्दिक बधाई ज्ञापन गर्न चाहन्छु।’