काठमाडाैं । बालेन्द्र शाह (बालेन) नेतृत्वको नवगठित मन्त्रिपरिषदको आजको पहिलो बैठकले विभिन्न चार निर्णय गरेको छ ।

बैठकका निर्णय सार्वजनिक गर्दै सरकारका प्रवक्ता सस्मित पोखरेलले पहिलो निर्णय स्वरुप शहीदहरूप्रति श्रद्धाञ्जली व्यक्त गर्ने निर्णय भएको जानकारी दिए ।

दोस्रो निर्णय सरकारको प्रवक्तामा शिक्षा मन्त्रीलाई तोक्ने निर्णय भएको उनले बताए । सरकारले शासनकीय सुधारका लागि १०० वटा कार्य स्वीकृत गर्ने निर्णय भएको छ ।

यस्तै सरकारले जनेजी आन्दोलन जाँचबुझ आयोगको प्रतिवेदन तत्काल कार्यान्वयनमा लैजाने निर्णय भएको प्रवक्ता पोखरेलले जानकारी दिए ।