संयुक्त राष्ट्र संघका लागि इरानी नियोगले अमेरिकी राष्ट्रपति डोनाल्ड ट्रम्पको पछिल्लो अभिव्यक्तिलाई ‘इरानको नागरिक अस्तित्वका लागि अत्यावश्यक पूर्वाधारहरू नष्ट गर्ने धम्की’ भन्दै कडा निन्दा गरेको छ।

‘यदि संयुक्त राष्ट्र संघको विवेक जीवित छ भने, युद्ध-पिपासु अमेरिकी राष्ट्रपतिले नागरिक पूर्वाधारहरूलाई लक्षित गर्ने खुल्ला र निर्लज्ज धम्की दिँदा मौन बस्ने छैन। ट्रम्पले यस क्षेत्रलाई कहिल्यै अन्त नहुने युद्धमा धकेल्न खोजिरहेका छन्,’ इरानी नियोगले ट्विटरमा भनेको छ।

‘यो सर्वसाधारणलाई आतंकित पार्ने प्रत्यक्ष र सार्वजनिक उक्साहट हो र युद्ध अपराध गर्ने मनसायको स्पष्ट प्रमाण हो, ‘ नियोगले थप्यो।
‘अन्तर्राष्ट्रिय समुदाय र सबै राष्ट्रहरूसँग यस्ता नृशंस युद्ध अपराधहरू रोक्ने कानुनी दायित्व छ। उनीहरूले अहिल्यै कदम चाल्नुपर्छ। भोलि धेरै ढिलो हुनेछ।’इरानी नियोगले ट्विटरमा भनेको छ।